deepamnews.lk
விளையாட்டு

ஆஷஸ் டெஸ்ட் போட்டியில் போராடித் தோல்வியைத் தவிர்த்தது இங்கிலாந்து அணி

banner

ஆ‌ஷஸ் தொடரின் 4-வது டெஸ்ட் போட்டியில், இங்கிலாந்து அணி தோல்வியில் இருந்து தப்பியுள்ளது.

அவுஸ்ரேலியா- இங்கிலாந்து அணிகள் மோதும் ஆ‌ஷஸ் தொடரின் 4-வது டெஸ்ட் போட்டி, சிட்னியில் நடைபெற்றது.

இதில் முதல் இன்னிங்சில் அவுஸ்ரேலியா 8 விக்கெட் இழப்புக்கு 416 ஓட்டங்களும், இரண்டாவது இன்னிங்சில்,  6 விக்கெட்டுக்கு 265 ஓட்டங்கள் குவித்த நிலையிலும், ஆட்டத்தை முடித்துக் கொண்டது.

இங்கிலாந்து அணி முதல் இன்னிங்சில், 294 ஓட்டங்கள் பெற்றிருந்த நிலையில், இரண்டாவது இன்னிங்சில் 388 ஓட்டங்களை பெற வேண்டிய நிலையில், ஆடியது.

4-வது நாள் ஆட்ட நேர முடிவில் இங்கிலாந்து விக்கெட் இழப்பின்றி 30 ஓட்டங்கள் எடுத்திருந்தது.

நேற்றுக் காலை கடைசி நாள் ஆட்டம் தொடங்கிய போது, ஹமீட் 9 , டேவிட் மலான் 4 ஓட்டங்களில் அடுத்தடுத்து ஆட்டமிழந்தனர்.

கிராவ்லி 77,  ஜோ ரூட் 24,  பென் ஸ்டோக்ஸ் 60 ஓட்டங்களில் ஆட்டமிழந்தனர்.

பேர் ஸ்டோவ் ஓரவிற்கு தாக்குப்பிடித்து விளையாடி 41 ஓட்டங்களையும்,  ஜோஸ் பட்லர்  11 ஓட்டங்களையும்,  மார்க் வுட் ஓட்டம் எதையும் பெறாமலும் வெளியேறினார்.

9-வது விக்கெட்டுக்கு ஜக் லீச் உடன் ஸ்டூவர் பிராட் ஜோடி சேர்ந்தார்.

10.4 ஓவர்களை இங்கிலாந்து எதிர்கொள்ள வேண்டியிருந்த நிலையில், கைவசம் 2 விக்கெட்டுகள் மட்டும் இருந்தன.

இருவரும் தாக்குப் பிடித்து விளையாடிய போதும், 26 ஓட்டங்கள் எடுத்த நிலையில் ஜக் லீச் ஆட்டமிழந்தார்.

கடைசி விக்கெட்டுக்கு 12 பந்துகளை சமாளிக்க வேண்டும் என்ற நிலையில் பிராட் உடன் அண்டர்சன் ஜோடி சேர்ந்தார்.

101-வது ஓவரை நாதன் லயன் வீசினார். இந்த ஓவரை பிராட் சிறப்பாக எதிர்கொண்டு விக்கெட் இழக்காமல் பார்த்துக் கொண்டார்.

அடுத்த ஓவரை ஸ்மித் வீசினார். இந்த ஓவரை அண்டர்சன் தாக்குப் பிடித்து விளையாட இங்கிலாந்து 102 ஓவரில் 9 விக்கெட் இழப்பிற்கு 270 ஓட்டங்கள் எடுத்திருந்த நிலையில், கடைசி நாள் ஆட்டம் முடிவடைந்தது.

இதனால் போட்டி வெற்றி தோல்வியின்றி டிராவில் முடிந்தது.

banner
banner
banner

Related posts

அவுஸ்ரேலியாவுக்கு எதிரான இரண்டாவது டெஸ்ட்- இலங்கை அணி அபார வெற்றி

Deepam News

மேற்கிந்திய தீவுகள் செல்லும் இந்திய அணி அறிவிப்பு

Deepam News

ஒரே ஓவரில் 29 ஓட்டங்கள் விளாசி லாராவின் 19 ஆண்டு சாதனையை முறியடித்தார் பும்ரா

Deepam News

Leave a Comment