deepamnews.lk
விளையாட்டு

ஐபிஎல் போட்டியை தென்னாபிரிக்காவில் நடத்துவதற்கு இந்திய கிரிக்கெட் வாரியம் ஆலோசனை

banner

ஐ.பி.எல். டி20 போட்டி தொடர் வரும் மார்ச் மாதம் கடைசி வாரத்தில் தொடங்கி மே மாதம் கடைசி வரை நடைபெறும் என  இந்திய கிரிகெட் கட்டுப்பாட்டு வாரியம் அறிவித்துள்ளது.

எனினும் கொரோனா பரவல் அச்சுறுத்தல் காரணமாக போட்டிகள் இந்த ஆண்டும் இந்தியாவில் நடைபெறாது என கூறப்படுகிறது.

அதனால் போட்டிகள் எங்கு நடைபெறும் என்பதில் குழப்பம் நீடித்து வருகிறது.

இந்தநிலையில் நடப்பாண்டிற்கான ஐ.பி.எல் போட்டிகளை தங்கள் நாட்டில் நடத்தலாம் என்று பி.சி.சி.ஐ.க்கு தென் ஆபிரிக்க கிரிக்கெட் வாரியம் கோரிக்கை விடுத்துள்ளது.

இந்திய கிரிக்கெட் அணி சமீபத்தில் தென்னாபிரிக்காவில் மூன்று டெஸ்ட் மற்றும் மூன்று ஒருநாள் போட்டித் தொடரில் பங்கேற்றது.

கொரோனா தொடர்பான எந்த வித சிக்கல்களும் இல்லாமல் இந்த தொடர் முடிவடைந்துள்ளது. 

இதன் தொடர்ச்சியாக  ஐ.பி.எல். டி20 போட்டி தொடரையும் தங்கள் நாட்டில் நடத்தலாம் என்று தென் ஆபிரிக்க கிரிக்கெட் வாரியம் கோரிக்கை விடுத்துள்ளதாக கூறப்படுகிறது. 

கடந்த ஐ.பி.எல் போட்டிகள் நடைபெற்ற ஐக்கிய அரபு அமீரக நாட்டை விட தென் ஆபிரிக்காவில் ஐ.பி.எல் போட்டிகளை நடத்துவது மலிவானது என அந்நாடு குறிப்பிட்டுள்ளது.

இதன்படி ஜோகன்னஸ்பர்க் மற்றும் அதைச் சுற்றியுள்ள நான்கு கிரிக்கெட் மைதானங்களில் ஐ.பி.எல். போட்டிகளை நடத்துவதற்கான திட்டத்தை தென் ஆபிரிக்கா வழங்கியுள்ளதாக கூறப்படுகிறது. 

தென் ஆப்பிரிக்காவின் கோரிக்கையை பி.சி.சி.ஐ பரிசீலிப்பதாகவும், இது தொடர்பாக இரு கிரிக்கெட் வாரியங்கள் இடையே விவாதங்கள் நடந்து வருவதாகவும் தகவல்கள் தெரிவிக்கின்றன.

banner
banner
banner

Related posts

இங்கிலாந்துக்கு எதிரான டெஸ்ட் தொடர்- நியூசிலாந்து அணி அறிவிப்பு

Deepam News

சென்னை சூப்பர் கிங்ஸ் கப்டனாக மீண்டும் பொறுப்பேற்றார் டோனி

Deepam News

இங்கிலாந்து டெஸ்ட் அணியின் புதிய கப்டனாக பென் ஸ்டோக்ஸ்  பதவியேற்கிறார்

Deepam News

Leave a Comment