ஜனாதிபதி ரணில் மாலைதீவுக்கு பயணம்.

ஜனாதிபதி ரணில் விக்ரமசிங்க நேற்று (16) பிற்பகல் மாலைதீவுக்கு பயணித்துள்ளார்.

அந்த  நாட்டின் புதிய ஜனாதிபதியாக தெரிவு செய்யப்பட்டுள்ள கலாநிதி மொஹமட் முய்சுவின் பதவியேற்பு நிகழ்வில் பங்கேற்பதற்காக ஜனாதிபதி மாலைத்தீவுக்கு பயணித்துள்ளார் என ஜனாதிபதி ஊடகப்பிரிவு தெரிவித்துள்ளது.

மாலைதீவு குடியரசு சதுக்கத்தில் இன்று 17ஆம் திகதி குடியரசுத் தலைவர் பதவியேற்பு விழா இடம்பெறவுள்ளது.

இந்த நிலையில், இவ்விழாவில் ஆயிரம் பொதுமக்கள் கலந்து கொள்ள ஏற்பாடு செய்யப்படும் என முன்னதாக அறிவிக்கப்பட்டது.