உரம் மற்றும் கிருமிநாசினிகளை பகிர்ந்தளிப்பதற்காக கியூ.ஆர். குறியீட்டு முறைமையை அறிமுகப்படுத்தவுள்ளதாக விவசாய அமைச்சர் மஹிந்த அமரவீர தெரிவித்துள்ளார்.
ஹெக்டர் கொப்பேகடுவ விவசாய ஆராய்ச்சி மற்றும் பயிற்சி நிறுவனத்தில் நேற்று இடம்பெற்ற நிகழ்வொன்றில் கலந்துகொண்ட போதே அவர் இதனை தெரிவித்தார்.
உர விநியோகத்திற்காக கடந்த முறை 6.7 பில்லியன் ரூபா செலவிடப்பட்டதாகக் குறிப்பிட்ட அமைச்சர், வீழ்ச்சியடைந்துள்ள விவசாயிகள் மீண்டெழுவதற்கான காலமாக இந்த பருவம் அமையும் எனவும் தெரிவித்துள்ளார்.
விவசாயிகள் வழமை நிலையை அடையும் வரை, அவர்களுக்குத் தேவையான நிதி ரீதியான உதவிகள் வழங்கப்படும் எனவும் அமைச்சர் மஹிந்த அமரவீர குறிப்பிட்டுள்ளார்.