உச்சந்தலையில் மசாஜ் செய்வது மயிர்க்கால்களுக்கு இரத்த ஓட்டத்தை மேம்படுத்துவதன் மூலம் மெலனின் உற்பத்தியை அதிகரிப்பதில் நன்மை பயக்கிறது. மன அழுத்தம் குறைய தியானம், யோகா போன்ற பயிற்சிகளில் ஈடுபடுவது பலனளிக்கும்.
வாழ்க்கை முறை மாற்றம், மன அழுத்தத்தை நிர்வகித்தல் போன்றவை முடி ஆரோக்கியத்தில் சாதகமான நிலையை உண்டு செய்யும். ஏனெனில் உடலில் அதிகப்படியான கார்டிசோலின் வெளியீடு காரணமாக நாள்பட்ட மன அழுத்தம் உங்கள் தலைமுடியில் மெலனின் உற்பத்தியை தடுக்கலாம்.
முடி ஆரோக்கியமாக வளர போதுமான ஊட்டச்சத்து முக்கியமானது. சில வைட்டமின்கள் மற்றும் தாதுக்கள் மெலனின் உற்பத்தியில் முக்கிய பங்குவகிக்கின்றன. வைட்டமின் ஏ, பி, தாமிரம் மற்றும் துத்தநாகம் போன்ற தாதுக்கள் நிறைந்த உணவுக திட்டமிட்டு எடுப்பது உடல் ஆரோக்கியம் போன்றே முடி ஆரோக்கியத்துக்கும் உதவும். இவை முடி சேதமில்லாமல் வைப்பதோடு முடிக்கு வேண்டிய ஊட்டச்சத்தளிக்கும் பண்புகளையும் தூண்டும்.