நாடு எதிர்கொண்டுள்ள சவால்களுக்கு எவ்வாறு முகம் கொடுப்பது என்பது தொடர்பில் இந்த வரவு – செலவுத் திட்டத்தின் ஊடாக ஜனாதிபதி தமது திட்டத்தை தெரிவித்துள்ளார் என தமிழ் தேசிய கூட்டமைப்பின் பேச்சாளர் எம். ஏ சுமந்திரன் தெரிவித்தார்.
பாராளுமன்றத்தில் நேற்று அடுத்த வருடத்துக்கான வரவு – செலவுத் திட்டம் முன்வைக்கப்பட்ட பின்னர், அதுதொடர்பில் ஊடகங்களுக்கு கருத்து தெரிவிக்கையிலேயே இவ்வாறு குறிப்பிட்டார்.
இந்த வரவு – செலவுத் திட்டத்தில் புதிதாக குறிப்பிடுவதற்கு எதுவும் கிடையாது. கூட்ட வேண்டிய அனைத்தையும் ஏற்கனவே கூட்டியுள்ள நிலையில் தற்போது இந்த வரவு – செலவுத் திட்டத்தில் முக்கியமானது என எதையும் குறிப்பிட முடியாது என எம். ஏ சுமந்திரன் தெரிவித்துள்ளார்.
நாடு எதிர்நோக்கியுள்ள தற்போதைய நெருக்கடியை எவ்வாறு தீர்க்கலாம் என்பதற்கான ஜனாதிபதியின் திட்டமாக மட்டுமே இது அமைந்துள்ளது. அதனால் நாடு எதிர்கொண்டுள்ள சவால்களுக்கு எவ்வாறு முகம் கொடுப்பது என்பது தொடர்பில் இந்த வரவு – செலவுத் திட்டத்தின் ஊடாக ஜனாதிபதி தமது திட்டத்தை தெரிவித்துள்ளார் எனவும் தெரிவித்துள்ளார்.