deepamnews
இலங்கை

இலங்கையின் கடன் தொடர்பான பத்திரத்திற்கு உத்தரவாதம் வழங்கியது சீனா

இலங்கையின் கடன் தொடர்பான பத்திரத்திற்கு உத்தரவாதம் வழங்குவதாக சீனா உத்தியோகபூர்வமான கடிதத்தை சர்வதேச நாணய நிதியத்திற்கு அனுப்பி வைத்துள்ளதாக இந்திய ஊடகங்கள் தகவல் வெளியிட்டுள்ளன.

கடுமையான நிதி நெருக்கடியில் இருந்து விடுபட இலங்கைக்கு 2.9 பில்லியன் அமெரிக்க டொலர் நிதி நிவாரணம் வழங்குவதற்கு தேவையான நிதி உத்தரவாதத்தை சர்வதேச நாணய நிதியத்திற்கு சீனா வழங்கியுள்ளது.

சில தினங்களுக்கு இந்தியா உத்தரவாதம் வழங்கியிருந்த நிலையில் சீனாவின் உறுதிப்படுத்தல் நேற்று வெளியிடப்பட்டுள்ளது.

இதேவேளை, சர்வதேச நாணய நிதியத்தின் பிணையெடுப்புக்கு முன்னதாக, இரண்டு வருட கால அவகாசம் வழங்கப்பட வேண்டும் என்ற இலங்கையின் நீண்ட கால கோரிக்கைக்கு சீனா பதிலளித்துள்ளதாக தெரிவிக்கப்பட்டுள்ளது.

சீனாவின் ஏற்றுமதி இறக்குமதி வங்கி நிதியமைச்சர் என்ற ரீதியில் ஜனாதிபதி ரணில் விக்ரமசிங்கவுக்கு எழுதியுள்ள கடிதத்தில் இந்த விடயத்தை தெரியப்படுத்தியுள்ளதாக நம்பத்தகுந்த வட்டாரங்கள் தெரிவிக்கின்றன.

அண்டைய பொருளாதார பலமிக்க இரு நாடுகளின் ஆதரவு கிடைத்துள்ளமையினால் விரைவில் இலங்கைக்கான கடன் நிவாரணம் கிடைக்கும் என எதிர்பார்க்கப்படுகிறது.

Related posts

இன்று முழுமையாக முடங்கும் வட, கிழக்கு மாகாணங்கள்- ஹர்த்தாலுக்கு வலுவான ஆதரவு

videodeepam

வெளிநாடுகளில் இருந்து 3 பில்லியன் அமெரிக்க டொலர்களுக்கு அதிக பணத்தை அனுப்பிய இலங்கையர்கள்

videodeepam

காளான் கறி சாப்பிட்ட மூவர் உயிரிழப்பு !அவுஸ்திரேலியாவை சேர்ந்த பெண் ஒருவர் கைது.

videodeepam