deepamnews
இலங்கை

தமிழர்பிரச்சினைக்கு உள்நாட்டுப் பொறிமுறை மூலம் தீர்வு

தமிழ் மக்களின் பிரச்சினைகளுக்கு உள்நாட்டுப் பொறிமுறை மூலம் தீர்வு காண்பது தொடர்பாக, அடுத்த மாதம் தானும் ஜனாதிபதி ரணில் விக்கிரமசிங்கவும் புலம்பெயர் தமிழ் தலைவர்களுடன் கலந்துரையாடவுள்ளதாக நீதி மற்றும் அரசியல் சீர்திருத்த அமைச்சர் கலாநிதி விஜயதாச ராஜபக்ஷ தெரிவித்தார்.

உள்நாட்டுப் பொறிமுறையின் ஊடாக அரசாங்கம் தேசியப் பிரச்சினைக்கு தீர்வு காண வேண்டும்.

ர்வதேச தலையீடு இன்றி உள்நாட்டுப் பொறிமுறையின் ஊடாக இந்தப் பிரச்சினைக்கு தீர்வு காண நடவடிக்கை எடுக்கப்படும்.

அடுத்த மாதம் நானும் ஜனாதிபதியும் இணைந்து புலம்பெயர் தமிழ் அமைப்புகளின் தலைவர்களுடன் பேச்சுவார்த்தை நடத்தவுள்ளோம்.

பேச்சுவார்த்தை வெற்றியடையும் பட்சத்தில், இலங்கையில் சர்வதேச தலையீடு இருக்காது.

சர்வதேச பொறிமுறையின் ஊடாக சர்வதேச அமைப்புகளின் மேற்பார்வையில் தமிழர்களின் பிரச்சினைக்கு தீர்வு கிடைக்க வேண்டும் என்பதே ஐக்கிய நாடுகள் சபையின் எதிர்பார்ப்பாகும்.

எவ்வாறாயினும், இலங்கையே தேசிய பிரச்சினைக்கு தீர்வு காண நடவடிக்கை எடுக்க வேண்டும்.

இதனால் உள்நாட்டுப் பொறிமுறையின் ஊடாக தேசிய பிரச்சினைக்கு தீர்வு காண அரசாங்கம் நடவடிக்கை எடுத்து வருகின்றது.

உள்நாட்டுப் பொறிமுறையின் கீழ் தமிழ் மக்களின் பிரச்சினைகளுக்குத் தீர்வு காண முடிந்தால், சர்வதேச ஒத்துழைப்பு கிடைக்கும்.

தமிழ் அரசியல் கைதிகளின் விடுதலை தொடர்பாக, அரசாங்கம் மிகுந்த அக்கறையுடன் செயற்படுகிறது.

இது தொடர்பாக நியமிக்கப்பட்ட சிறப்புக் குழுவும் பல பரிந்துரைகளை அளித்துள்ளது.

அந்த பரிந்துரைகளின் அடிப்படையில் அடுத்தகட்ட நடவடிக்கையை அரசு மேற்கொள்ளும். ” என்றும் அவர் தெரிவித்துள்ளார்.

Related posts

யாழ்ப்பாணம், அல்வாய் வடக்கில் வாள்வெட்டு தாக்குதலில் ஐவர் காயம்

videodeepam

மக்கள் சேவையில் இழுத்தடிப்புச் செய்யாமல் பொறுப்புடன் செயற்படுமாறு அரச அதிகாரிகளிடம் ஜனாதிபதி கோரிக்கை

videodeepam

இலங்கையைச் சூழவுள்ள பகுதிகளில் வளிமண்டலத் தளம்பல்நிலை – தொடரும் கடும் மழை

videodeepam